Դեսպան Փոլադյանը Եգիպտոսի կապի և ՏՏ նախարարին է փոխանցել «Արմհայթեք-2022» սպառազինության ցուցահանդեսին մասնակցության հրավերը

Հունվարի 17-ին Եգիպտոսում ՀՀ դեսպան Հրաչյա Փոլադյանը հանդիպել է Եգիպտոսի կապի և տեղեկատվական տեխնոլոգիաների նախարար Ամր Ահմեդ Թալաաթի հետ։

Հանդիպման ընթացքում դեսպան Հր. Փոլադյանը եգիպտացի պաշտոնյային է փոխանցել 2022 թ. մարտի 31-ից ապրիլի 2-ը Երևանում կայանալիք «Արմհայթեք-2022» սպառազինության ու պաշտպանական տեխնոլոգիաների 3-րդ միջազգային ցուցահանդեսին մասնակցության պաշտոնական հրավերը։

Զրուցակիցներն անդրադարձել են բարձր տեխնոլոգիաների բնագավառում համագործակցության, հայ-եգիպտական ՏՏ բիզնես-ֆորումի կազմակերպման հարցերին, ինչպես նաև 2022 թ. ընթացքում նախատեսվող հայ-եգիպտական միջառավարական համատեղ հանձնաժողովի հերթական նիստի և հայ-եգիտական դիվանագիտական հարաբերությունների հաստատման 30-ամյակին (2022 թ. մարտի 9) նվիրված միջոցառումների համատեքստում համատեղ անելիքներին։

Երկուստեք կարևորվել է իրավապայմանագրային հենքի ընդլայնման գործընթացը։

Զրույցի ընթացքում եգիպտացի պաշտոնյան բազմիցս անդրադարձ է կատարել հայերի և հայ համայնքի բացարձակ դրական դերակատարությանը Եգիպտոսի պատմության ընթացքում։

Related posts

Մհեր Գրիգորյանին Nokia ընկերության ներկայացուցիչների հետ հանդիպմանը ներկայացվել են 5G ցանցի ենթակառուցվածքների ներդրման ծրագրերը

Անօթևան մնացածները կապահովվեն թե՛ կեցության վայրով, թե պայմաններով. ՏԿԵ նախարարը՝ Ճամբարակում

Դավիթ Առուշանյանը ներկայացրել է Շիրակի մարզի 2024 թվականի բյուջեի կատարողականը