ՀԷՑ-ի կարիքների համար հայտարարված՝ նախագծային ծառայությունների ձեռք բերման գնման մրցույթին (6 առանձին լոտերով) մասնակցության փաստաթղթային փաթեթներ է ներկայացրել 7 ընկերություն՝ յուրաքանչյուրը հայտ ներկայացնելով 1-5 լոտերի միաժամանակ:
Այս մասին սոցցանցի իր էջում գրել է ՀԷՑ-ի ժամանակավոր կառավարիչ Ռոմանոս Պետրոսյանը՝ մանրամասնելով.
«Սեպտեմբերի 15-ին այդ նպատակով ձեւավորված Հանձնաժողովի կողմից կհայտարարվեն հաղթողների անունները։
Ուրախությամբ պիտի հայտնեմ, որ ՀԷՑ-ի կողմից հայտարարված գնման բաց մրցույթին մասնակցության հայտ է ներակայացրել նաեւ Հայաստանի Ազգային Պոլիտեխնիկական Համալսարանը (National Polytechnic University of Armenia):
Հիշեցնեմ, որ վերջին տարիներին արտոնյալ «ավանդույթի ուժով» ՀԷՑ-ի տասնյակ հազարավոր միավոր նախագծային ծառայությունները մատուցվում էին բացառապես 1-2 փոխկապակցված ընկերությունների կողմից»:
Ավելի վաղ հայտնել էինք, որ սեպտեմբերի 5-ին «ՀԷՑ» ՓԲԸ գլխամասային գրասենյակում տեղի է ունեցել նախագծային ծառայությունների ձեռքբերման նպատակով հայտարարված մրցույթի շրջանակներում ներկայացված հայտերի հրապարակային բացման գործընթացը: