Ավարտական փուլում է գտնվում Մ-1 միջպետական ճանապարհից դեպի «Շիրակ» օդանավակայան տանող 2կմ ճանապարհի միջին նորոգումը։
Այս մասին հայտնել է Ճանապարհային դեպարտամենտը:
Ասֆալտապատվել է ինչպես օդանավակայան տանող ճանապարհը, այնպես էլ՝ օդանավակայանի հրապարակը։ Այժմ աշխատանքներ են տարվում իջատեղերի վրա։ Առջևում գծանշման աշխատանքներն են։
«Ճանապարհային դեպարտամենտ» հիմնադրամի փոխտնօրեն Արման Խաչատրյանը Շիրակի մարզ կատարած այցի ընթացքում եղել է նշված շինտեղամասում, դիտարկել կատարված աշխատանքները։
Ճանապարհը նորոգվել է ՀՀ պետբյուջեի միջոցներով։