Մինչ նախօրեին «Երկխոսության մեդիա կենտրոնի» տաղավարում Գյումրու ավագանու երեք խմբակցությունների ներկայացուցիչները բանավիճում էին քաղաքի կառավարման ճգնաժամի շուրջ, քաղաքային իրականությունն այլ պատկեր էր ցույց տալիս։ Կենտրոնական հրապարակում ու գլխավոր փողոցներում դժվար էր զգալ տոնական տրամադրություն։
Եվ հենց այդ ֆոնին հրապարակ է վերադառնում հին տոնածառը։ Այն, որն իր բնույթով ավելի շատ կոտրված տաշտակ է հիշեցնում, քան տոնական խորհրդանիշ։ Տոնածառը վերադարձվում է ոչ թե այն պատճառով, որ այլ տարբերակ չկա, այլ որովհետև պարզվում է՝ նախորդ տարի գնված նոր տոնածառը փոքր է կենտրոնական հրապարակի համար։