Գյումրեցի ծանրամարտիկ Գրետա Վարդանյանը պարափաուերլիֆթինգի աշխարհի առաջնության չեմպիոն է դարձել։ Տեղեկությունը հայտնում է Հայաստանի ազգային պարալիմպիկ կոմիտեի մամուլի ծառայությունը։
Հայ մարզիկներն աննախադեպ արդյունք են գրանցել. կառավարությունը կրկնապատկում է պարգևավճարը
ԱՄԷ Դուբայ քաղաքում ընթացող աշխարհի գավաթի խաղարկությանը 40 երկրի 243 մարզիկ է մասնակցում, Հայաստանը ներկայացնում է Գրետա Վարդանյանը (մարզիչ՝ Արտակ Ներսիսյան), որն այս մրցաշարում հանդես է գալիս մինչև 55 կգ քաշային կարգում։
«Այսօր կայացավ Գրետա Վարդանյանի մրցելույթը, որտեղ մեր մարզուհին հաջողությամբ կատարեց 3 մոտեցումները և, հստակ բարձրացնելով 85, 90 և 93 կիլոգրամանոց ծանրաձողերը, նվաճեց չեմպիոնի տիտղոսը։ Նա ոսկե մեդալ նվաճեց նաև բարձրացրած քաշերի գումարային հաշվարկում»,– ասված է հաղորդագրությունում:
Նշենք, որ աշխարհի առաջնությունը մեկնարկել է դեկտեմբերի 15-ին և կավարտվի ամսի 18-ին։
Մամուլի հաղորդագրություն
Սույն թվականի դեկտեմբերի 15-18-ը ԱՄԷ Դուբայ քաղաքում տեղի ունեցող պարա փաուերլիֆթինգի Աշխարհի…Опубликовано Armenian National Paralympic Committee Пятница, 16 декабря 2022 г.