Վահան Տերյանի ծննդավայրում՝ Ջավախքի Գանձա գյուղում, Տերյանի 140-ամյակի կապակցությամբ տեղի ունեցավ մեծանուն բանաստեղծի տուն-թանգարանի հանդիսավոր վերաբացումը։ Փլուզման եզրին գտնվող շինությունը ոչ միայն վերակառուցվել է՝ հավատարիմ մնալով իր սկզբնական ճարտարապետական ոճին, այլև համալրվել է ժամանակակից տեխնոլոգիական լուծումներով՝ կենդանացնելով Տերյանի կերպարն ու պոեզիան նոր ու մատչելի հարթակում։