Գազայի հատվածի վրա հարձակումները կշարունակվեն. Իսրայելի ՊՆ

Իսրայելի պաշտպանության բանակը կշարունակի ինտենսիվ գործել ՀԱՄԱՍ-ի ենթակառուցվածքների դեմ և զանգվածային հարձակումներ իրականացնել Գազայի հատվածում, հաղորդում է իսրայելական բանակի մամուլի ծառայությունը։

Նույն աղբյուրը տեղեկացնում է, որ Իսրայելը Գազայի հատվածի հետ սահմանին կենտրոնացրել է մոտ 300 հազար զինվորական, ինչպես նաև զրահատեխնիկա և հրետանի:

«Տասնյակ կործանիչներ վերջերս հարձակվել են ավելի քան 200 թիրախի վրա Գազայի հատվածի ամբողջ Ալ-Ֆուրկան տարածքում», որը ՀԱՄԱՍ-ի ահաբեկչության կետն է, և այնտեղից բազմաթիվ գործողություններ են իրականացվում Իսրայելի դեմ»,- հայտնում է գերատեսչությունը։

CNN-ը, հղում անելով Պաղեստինի ներքին գործերի նախարարությանը, տեղեկացրել է, որ չորեքշաբթի գիշերն ինտենսիվ ավիահարվածներ են հասցվել Գազայի հատվածի արևելյան մասի բնակելի թաղամասերին։

Ավելի վաղ The Wall Street Journal-ը հայտնել էր, որ ըստ ԱՄՆ նախագահ Ջո Բայդենի վարչակազմի՝ Իսրայելը մոտ ապագայում կարող է ցամաքային գործողություն սկսել Գազայի հատվածում։

Արաբական լրատվամիջոցներն էլ հայտնում են, որ չորեքշաբթի առավոտվա դրությամբ Գազայում զոհերի թիվը գերազանցել է 950-ը, Իսրայելում զոհվել է 1200 մարդ։

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում