Կարեն Դեմիրճյանի անվան մարզահամերգային համալիրում շարունակվում է բռնցքամարտի Եվրոպայի տղամարդկանց առաջնությունը:
Այսօր կկայանան 1/8 եզրափակիչ փուլի մրցամարտերը: Հայաստանից հանդես կգան չորս բռնցքամարտիկ: Առաջինը ռինգ կմտնի Եվրոպայի կրկնակի չեմպիոն Հովհաննես Բաչկովը (63,5 կգ քաշային կարգ): Նրա անդրանիկ մրցակիցը անգլիացի Ջոզեֆ Թայերսն է:
Այնուհետև պայքարի մեջ կմտնի 67 կգ քաշային Գուրգեն Մադոյանը, որը կմենամարտի Ֆինլանդիայի ներկայացուցիչ Կարլ Բենջամին Էրիկսոնի հետ: Առավոտյան հերթափոխի երրորդ մասնակիցը կլինի մեր ծանր քաշային Դավիթ Չալոյանը: Նրա առաջին ախոյանը բոսնիացի Յուրայ Սոլդոն է: Երեկոյան հերթափոխում հանդես կգա 92 կգ քաշային Նարեկ Մանասյանը, որը կմրցի սլովակ Դավիդ Միխալեկի հետ:
Մարտերը սկսում են ժամը 14:00-ին և 18:00-ին: