Բասենցիները վարչապետի հրաժարականի պահանջ չունեն: Ախուրյան խոշորացված համայնքի Բասեն բնակավայրում վրդովված են Ախուրյանի համայնքապետ Արծրուն Իգիթյանի այն հայտարարությունից, թե վերջինս պահանջում է վարչապետի հրաժարականը: Հիշեցնենք, որ ՀՅԴ Շիրակի մարզի ֆեյսբուքյան էջում վարչապետի հրաժարականը պահանջել է նաեւ Ախուրյանի համայնքապետ Արծրուն Իգիթյանը, ավելի ուշ իր ֆեյսբուքյան էջում դաշնակցական համայնքապետը հրապարակեց, որ արված հայտարարությունը չի եղել Ախուրյան համայնքի բնակչության, վարչական ղեկավարների, ավագանու անդամների եւ աշխատակազմի անունից: