ԱՄՆ նախագահ Ջո Բայդենը հայտարարել է, որ, ամենայն հավանականությամբ, մոտ ժամանակներս կխոսի Ռուսաստանի նախագահ Վլադիմիր Պուտինի և Ուկրաինայի նախագահ Վոլոդիմիր Զելենսկու հետ, փոխանցում են Սպիտակ տան մամուլի ծառայությունից:
Պատասխանելով Ուկրաինայի իրավիճակի և պետական հեղաշրջման նախապատրաստման վերաբերյալ հայտարարությունների մասին լրագրողի հարցին՝ Բայդենը նշել է. «Ես մտահոգված եմ: Մենք աջակցում ենք Ուկրաինայի տարածքային ամբողջականությանը։ Մենք աջակցում ենք Ուկրաինայի՝ իրեն կառավարելու հնարավորությանը։ Եվ մենք մերժում ենք այն ամենը, ինչ վերաբերում է դրան [նկատի ունենալով Ուկրաինայում հեղաշրջման մասին տեղեկությունները]»:
Հարցին, թե արդյոք Բայդենը խոսե՞լ է Պուտինի կամ Զելենսկու հետ, ԱՄՆ նախագահը պատասխանել է՝ «Ամենայն հավանականությամբ կխոսեմ»։