Արցախյան կարգախոսներով ու հայրենասիական ոգով սկսվում է փոքրիկ ճամբարականների օրը: Գյումրու տարբեր հաստատություններում ամռան այս օրերին բակային ճամբարի պակաս չկա. 2023 թվականից հետո շիրակի մարզի երեխաների կողքին արդեն նաև Արցախից բռնի տեղահանված երեխաներն են: Շիրվանյան երիտասարդական կենտրոնում կրթական ուղվածություն ունեցող այս ճամբար են հաճախում մոտ 100՝ 6-11 տարեկան երեխաներ, որոնց 20 տոկոսը կազմում են Արցախից բռնի տեղահանված երեխաները: Ազգային երգ, պար, բակային ակտիվ խաղեր: