Տոկիոյում կայացած 32-րդ ամառային Օլիմպիական խաղերում Հայաստանի օլիմպիական հավաքականի 17 մարզիկից 4-ը վերադարձան մեդալներով: Հունահռոմեական ոճի ըմբիշ Արթուր Ալեքսանյանը եւ ծանրորդ Սիմոն Մարտիրոսյանը նվաճեցին արծաթե, իսկ մարմնամարզիկ Արթուր Դավթյանը եւ բռնցքամարտիկ Հովհաննես Բաչկովը՝ բրոնզե մեդալ: Մեդալներից երկուսը հասան Գյումրի՝ շնորհիվ Ալեքսանյանի ու Բաչկովի: Վերջիններիս ու նրանց մարզիչներին այսօր ընդունել է Գյումրու համայնքապետ Սամվել Բալասանյանը: