Անդրկովկասում տրանսպորտային հաղորդակցությունների ապաշրջափակումը կապահովի տարածաշրջանի կայուն զարգացումը։
Այս մասին Ծաղկաձորում Եվրասիական միջկառավարական խորհրդի արտահերթ նիստից առաջ ՀՀ կառավարության ղեկավար Նիկոլ Փաշինյանի հետ հանդիպմանն ասել է Ռուսաստանի Դաշնության վարչապետ Միխայիլ Միշուստինը։
«Մենք հետևողականորեն կողմ ենք Անդրկովկասում տնտեսական, տրանսպորտային և լոգիստիկ կապերի ապաշրջափակմանը: Եվ Ռուսաստանի, Հայաստանի և Ադրբեջանի ղեկավարների պայմանավորվածությունների համաձայն, ես համոզված եմ, որ նոր ենթակառուցվածքային նախագծերի ստեղծումը կապահովի կայուն տնտեսական տարածաշրջանի զարգացումը»,- ասել է Միշուստինը։
Սա, նրա խոսքով, նաև կուժեղացնի շփումները այստեղ ապրող մարդկանց միջև։