ԱՄՆ-ը ողջունում է Ղազախստանի՝ մայիսի 10-ին Ալմաթիում Հայաստանի և Ադրբեջանի արտաքին գործերի նախարարներին ընդունելու վերաբերյալ առաջարկը՝ երկու երկրների միջև խաղաղության համաձայնագրի հարցով բանակցություններն առաջ մղելու նպատակով:
«Ալմաթին կարևոր, խորհրդանշական վայր է: Մենք ողջունում ենք հանդիպում անցկացնելու՝ Ղազախստանի առաջարկը: Մենք ոգևորված ենք Հայաստանի և Ադրբեջանի միջև մինչ այժմ գրանցված առաջընթացով և աջակցում ենք երկու երկրներին խաղաղ համաձայնության հասնելու հարցում՝ ի շահ ողջ տարածաշրջանի»,- նշել են պետքարտուղարությունից: