ԱՄՆ-ն «անհրաժեշտ միջոցներ» կձեռնարկի Ռուսաստանի նկատմամբ «ագրեսիվ գործողությունների» պատճառով: Ինչպես փոխանցում է «ՌԻԱ Նովոստի»-ն, այս մասին հայտարարել է ԱՄՆ պետքարտուղար Էնթոնի Բլինքենը:
«Մենք Ռուսաստանի ագրեսիվ գործողությունների տարբեր օրինակներ ենք տեսել… Մենք ավարտում ենք SolarWinds-ի միջոցով կիբեռհարձակումների, ԱՄՆ ընտրություններին միջամտության, Ալեքսեյ Նավալնիին սպանելու նպատակով քիմիական զենքի կիրառման շուրջ ուսումնասիրությունը: Կլինի պատասխան և հետևանքներ»,- ասել է Բլինքենը CNN-ին տված հարցազրույցում:
«Մենք անհրաժեշտ գործողություններ կձեռնարկենք այն ժամանակ և այն պահին, որոնք կընտրի ԱՄՆ-ն ինչպես ՌԴ-ի, այնպես էլ խնդիրներ ստեղծող այլ երկրների նկատմամբ»,- հավելել է պետքարտուղարը: