ԱՄՆ-ի և ՆԱՏՕ-ի հետ Ռուսաստանի բանակցությունների շարքն անհաջող էր. Պեսկով

ԱՄՆ-ի և ՆԱՏՕ-ի հետ Ռուսաստանի բանակցությունների շարքն անհաջող է անցել. սկզբունքային հարցերի վերաբերյալ կողմերը տարաձայնություններ ունեն: Այսդ մասին հայտարարել է Ռուսաստանի նախագահի մամուլի խոսնակ Դմիտրի Պեսկովը:

«Բանակցությունները նախաձեռնվել են կոնկրետ առաջադրված սկզբունքային հարցերին կոնկրետ պատասխաններ ստանալու համար։ Եվ այդ սկզբունքային հարցերի շուրջ տարաձայնություններ են արձանագրվել»,- նշել է Պեսկովը՝ հավելելով, որ թեպետ քննարկումներում եղել են դրական հանգամանքներ, դրանք խորհրդակցությունների գլխավոր նպատակը չեն եղել:

Պեսկովի խոսքով՝ բանակցությունները կշարունակվեն, եթե սկզբունքային հարցերում արդյունք արձանագրվի: Նա նշել է, որ առաջիկա օրերին հնարավոր է հրապարակվեն բանակցությունների վերաբերյալ «ինչ-որ գրավոր ձևակերպումներ»:

Related posts

Ձգտում ենք Հայաստանի շուրջ ստեղծել խաղաղության և բարգավաճման միջավայր․ Արարատ Միրզոյան

Ձերբակալվել են Երևանում ավտոբուսի վարորդին ծեծի ենթարկած անձինք. ՔԿ

Չարենցավանի ոստիկանները կանխել են թմրանյութի 6 տասնյակ փաթեթի տեղադրումը