Ամենակարևորը ամերիկացի գործընկերների կողմից քայլեր ձեռնարկելն է, մենք դա դեռ չենք տեսնում. Կոբախիձե

Ամենակարևորը ամերիկացի գործընկերների կողմից քայլեր ձեռնարկելն է, մենք դա դեռ չենք տեսնում, սակայն ուկրաինական պատերազմի ավարտից հետո մոտեցումներն արմատապես կփոխվեն: Այդ մասին հայտարարել է Վրաստանի վարչապետ Իրակլի Կոբախիձեն:
Նա լրագրողների հետ զրույցի ժամանակ նշել է, որ Վրաստանը քայլեր է անում՝ ԱՄՆ-ի հետ իր հարաբերությունները բարելավելու համար:
Վարչապետը նաև պատասխանել է Վաշինգտոնի կողմից Թբիլիսիին 95 միլիոն դոլար օգնությունը կասեցնելու մասին հարցին: Կոբախիձեն նաև նշել է, որ դեռ չգիտե, թե կոնկրետ որքան գումար է կասեցվել:
«Մենք կհետաքրքրվենք ու կպարզենք այս ամենը։ Մեզ համար գլխավորն այն է, որ մենք գտնվում ենք սպասման ռեժիմում։ Մեր կողմից քայլեր են արվում, և ամենակարևորը համապատասխան քայլեր տեսնելն է ամերիկյան գործընկերների կողմից։ Այն, ինչ մենք մինչ այժմ տեսնում ենք, պատահական քայլեր չեն, բայց, կարծում եմ, որ մոտ ապագայում, հատկապես և առաջին հերթին՝ ուկրաինական պատերազմի ավարտից հետո, մոտեցումներն արմատապես և հիմնովին կփոխվեն»,- ասել է վարչապետը։
Ավելի վաղ ԱՄՆ պետքարտուղար Էնթոնի Բլինքենը հայտարարել էր, որ Վաշինգտոնը որոշել է կասեցնել Վրաստանին տրամադրվելիք 95 միլիոն դոլարի օգնությունը:
Աղբյուր՝ www.1lurer.am

Related posts

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում

Արարատ Միրզոյանը և Սինգապուրի ԱԳ նախարարը քննարկել են համագործակցության զարգացման ուղղությունները