Ադրբեջանցիները վերադարձրել են Կոռնիձորի բնակչի 106 ոչխարները

Տեղի համայնքապետարանից հայտնում են՝ այսօր՝ հոկտեմբերի 29-ին, Տեղ համայնքի ղեկավար Դավիթ Ղուլունցի, ՀՀ սահմանապահ զորքերի ուղեկալի պետ, փոխգնդապետ Դավթյանի և ռուսական սահմանապահ զորքերի կողմից ձեռնարկված գործողությունների արդյունքում հակառակորդը վերադարձրել է Կոռնիձորի բնակչին պատկանող 106 գլուխ ոչխարները:

«Տեղեկացնում ենք ձեզ, որ վերջերս ՀՀ ՄԻՊ Արման Թաթոյանի կողմից լրատվամիջոցներով տարածված լուրերը այն մասին, որ ադրբեջանցիներն են մտել Կոռնիձորի վարչական տարածք և հափշտակել, բացառապես ապատեղեկատվություն է:
Հորդորում ենք չխեղաթյուրել որևիցե տեղեկատվություն, սպասել Տեղի համայնքապետարանի պաշտոնական հաղորդագրություններին, անհրաժեշտության դեպքում պատրաստ ենք համագործակցել բոլորի հետ»,- ասված է համայնքապետարանի Ֆեյսբուքի էջում:

 

Related posts

Երկրաշարժ Սպիտակ քաղաքից 8 կմ հյուսիս

Մ15 ԵԱ․ Հունահռոմեական ոճի չորս ըմբիշներ դուրս են եկել եզրափակիչ

Խնդրում եմ իմ անունը չշահարկել վարչապետի թեկնածուների շարքում․ Միքայել Աջապահյանը հայտարարություն է տարածել