Ադրբեջանի ԶՈՒ-ն Արցախում խախտել է հրադադարի պահպանման ռեժիմը. ՊԲ ժամկետային զինծառայող է վիրավորում ստացել

Փետրվարի 15-ին՝ ժամը 16:15-ի սահմաններում, Արցախի Հանրապետության արևելյան սահմանագոտում Ադրբեջանի ԶՈՒ զինծառայողները խախտել են հրադադարի պահպանման ռեժիմը, ինչի հետևանքով հրազենային գնդակային վիրավորում է ստացել ՊԲ ժամկետային զինծառայող Խաչատուր Գագիկի Խաչատրյանը:

Վիրավոր զինծառայողի վիճակը գնահատվում է կայուն ծանր: Այս մասին հայտնում են Արցախի ՊՆ մամուլի ծառայությունից:

Միջադեպի առնչությամբ անմիջապես համապատասխան տեղեկատվություն է տրամադրվել ռուսական խաղաղապահ զորակազմի հրամանատարությանը:

Ներկա պահին օպերատիվ-մարտավարական իրադրությունը շփման գոտու տվյալ հատվածում կայուն է:

Related posts

Առաջիկա օրերին փոփոխական եղանակը կպահպանվի. ջերմաստիճանը կբարձրանա 2-4 աստիճանով

Հայտնաբերվել է համակարգչային տվյալներն ապօրինի որսալու կամ դրանց տիրանալու մեղադրանքով հետախուզվող 50-ամյա օտարերկրացին

Արթիկի ոստիկանները ջրատարում հայտնաբերել են զենք-զինամթերք