Ադրբեջանից բռնագաղթած 254 ընտանիք բնակարանների գնման վկայականներ կստանա

Կառավարության որոշմամբ բնակարանների գնման վկայականներ կստանան 1988-1992 թվականներին Ադրբեջանից բռնագաղթած և բնակարանի առաջնահերթ կարիք ունեցող այն անձինք, որոնք բնակվում են մարզերում:

Շահառուները պետության աջակցությունից օգտվելիս պարտավոր եմ բնակարան ձեռք բերել այն մարզում, որտեղ ապրում են:

Տարածքային կառավարման և ենթակառուցվածքների նախարար Գնել Սանոսյանն ասաց, թե այս ծրագրի համար նախատեսել են 1,4 միլիարդ դրամ. 254 ընտանիք է ծրագրում ներառված։

Վարչապետ Նիկոլ Փաշինյանն էլ ասաց, թե որոշումը շատ կարևոր է. երկար դադարից հետո նորից եկան այս որոշմանը։

Նա ասաց նաև, թե որոշում են ընդունել նաև 44-օրյա պատերազմի հետևանքով բնակարանից զրկված քաղաքացիներին որոշակի աջակցություն ցուցաբերելու մասին. այդ ծրագրով նախատեսվում է, որ դրամական աջակություն են ցույց տալիս բնակարաններ ձեռք բերելու համար։

Related posts

Խափանված եթեր՝ «բարեխիղճ» աշխատանքի պատճառով

Ընտանի կենդանիներին փնտրելու ընթացքում մոլորվել են․ ԱԱԾ-ն հերքել է Տեղ գյուղի երկու անչափահասների՝ առևանգվելու մասին վարկածը

Սյունիքի մարզից Ադրբեջան անցած անչափահասները արդեն Հայաստանում են