Mela art Studio արվեստի ստուդիան մեկ տարի առաջ այս օրը իր դռները բացեց տարբեր տարիքային խմբերի աշակերտների առջեւ. այսօր էլ բացումն է «Երազանքի գույներ» խորագիրը կրող ցուցահանդեսի, որի շրջանակներում ներկայացվում են արվեստի ստուդիայի ձեռքբերումները: 50- ից ավելի աշակերտ ունեցող ստուդիայի սաները սովորում են նկարչություն եւ գոբելեն, այսուհետ նաեւ ուլունքագործություն եւ ասեղնագործություն: Ցուցահանդեսում ներկայացված են սաների մեկ տարվա աշխատանքները, նրանց պատկերացումներն ու հույզերը: Mela art Studio արվեստի ստուդիան կատարում է իր առաջին, բայց հաստատուն քայլերը դեպի նորանոր ձեռքբերումներ ու վերելքներ: