Մայիսի 3-ին՝ ժամը 10։40-ի սահմաններում, ՀՀ ներքին գործերի նախարարության ոստիկանության օպերատիվ կառավարման կենտրոնից ոստիկանության Արաբկիրի բաժին հաղորդում է ստացվել, որ շտապօգնության 04 խումբը «Պոլիտրավմա» ախտորոշմամբ «Սուրբ Աստվածամայր» բժշկական կենտրոն բուժօգնության է տեղափոխել մի երեխայի։
Ինչպես հայտնում է Shamshyan.com-ը, հիվանդանոց մեկնած ոստիկանները պարզել են, որ հիվանդանոց տեղափոխվածը Երևանի բնակիչ 2-ամյա Կ․ Ջ․-ն է, որը նշված հասցեում բարձրությունից վայր է ընկել:
Ոստիկանության Արաբկիրի բաժնի անչափահասների գործերով բաժանմունքի տեսուչին երեխայի 31-ամյա հայրը հայտնել է, որ նույն օրը՝ ժամը 09։30-ի սահմաններում, որդին բարձրացել է իրենց բնակարանի 1-ին հարկ ննջասենյակի պատուհանագոգին և հենվելով բաց պատուհանի փակված ցանցին՝ ընկել է դուրս և ստացել մարմնական վնասվածքը:
Դեպքի փաստով կազմել են փաստաթղթեր, որոնք փոխանցվել են Արաբկիրի քննչական բաժին։