Ֆրանսիայում խորհրդարանի արտահերթ ընտրության երկրորդ փուլն ավարտվել է

Ֆրանսիայում ավարտվել է խորհրդարանի ընտրության երկրորդ փուլը:

BFM TV հեռուստաալիքի տվյալով՝ կանխատեսումների համաձայն՝ ձախ կուսակցությունների «Նոր ժողովրդական ճակատ» դաշինքն առաջատարն է, որը երկրի խորհրդարանում կստանա 175-ից մինչև 205 մանդատ:

Երկրորդ տեղում է Ֆրանսիայի նախագահ Էմանուել Մակրոնի կենտրոնամետ «Միասին» դաշինքը, որը կստանա 150-ից մինչև 175 մանդատ:

Երրորդ հորիզոնականում է Մարին Լը Պենի ծայրահեղ աջ «Ազգային միավորում»-ը, որը կարող է խորհրդարանում ունենալ 115-150 տեղ:

Այսպիսով, ըստ աղբյուրի, երկրորդ փուլի արդյունքների համաձայն՝ ոչ մի կոալիցիա խորհրդարանում բացարձակ մեծամասնություն չի ստանա և չի կարողանա միանձնյա ձևավորել կառավարություն:

Հիշեցնենք՝ Ֆրանսիայում այսօր անցկացվում էր երկրի խորհրդարանի արտահերթ ընտրության երկրորդ փուլը

Առաջին առաջին փուլում մասնակցությունը դարձել էր ռեկորդային ու գերազանցել 66 տոկոսը: Ֆրանսիացիները երկրի խորհրդարանի արտահերթ ընտրության երկու փուլում պետք է ընտրեն 577 պատգամավորի, որոնք էլ կներկայացնեն նրանց շահերը Ազգային ժողովում:

Ընտրության առաջին փուլում Մարին Լը Պենի և Ժորդան Բարդելայի «Ազգային միավորում»-ը՝ ձայների ավելի քան 33 տոկոսով, առաջատար է եղել, երկրորդ տեղը զբաղեցրել է ձախակողմյան «Նոր ժողովրդական ճակատ» դաշինքը՝ 28 տոկոսով։

Նախագահ Էմանուել Մակրոնի կենտրոնամետ կուսակցությունը ստացել էր 20 տոկոս՝ հայտնվելով երրորդ հորիզոնականում։

Ընտրությունից առաջ անցկացված հարցումները ցույց են տվել, որ «Ազգային միավորում»-ը խորհրդարանում կարող է ստանալ ամենաշատ տեղերը, բայց չի կարողանա կազմել բացարձակ մեծամասնություն:

Ֆրանսիայի նախագահը հայտարարել է, որ հրաժարական չի տա և կմնա նախագահի պաշտոնում մինչև իր լիազորությունների ավարտը՝ 2027 թվականը:

Ֆրանսիայի ՆԳՆ-ն հայտարարել է ընտրության արդյունքների հրապարակումից հետո անկարգությունների բարձր հավանականության մասին:

Ավելի քան 30 հազար ուժային է ներգրավվել երկրում անվտանգությունն ապահովելու գործում, նրանցից 5 հազարը՝ Փարիզում և արվարձաններում:

Ավելի վաղ հայտնել էինք՝ Ֆրանսիայի անդրծովյան տարածքներում մեկնարկել է երկրի խորհրդարանի ընտրության երկրորդ փուլը:

Related posts

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում

Արարատ Միրզոյանը և Սինգապուրի ԱԳ նախարարը քննարկել են համագործակցության զարգացման ուղղությունները