«Ֆորբս» միջազգային ամսագիրը անդրադարձ է կատարել մեր երկրին: Այդ մասին ասված է առողջապահության նախարար Անահիտ Ավանեսյանի Ֆեյսբուքի էջում:

«Ուրախ եմ, որ զբոսաշրջության զարգացման և դրա տնտեսական ազդեցության համատեքստում դիտարկվել է նաև բժշկական տուրիզմը:

Այս ոլորտի զարգացման համար անհրաժեշտ է երեք կարևոր բաղադրիչ, որի ուղղությամբ ամենօրյա աշխատանք ենք իրականացնում` որակ, վստահություն և հարմարավետություն:

Ամսագրում ընդգծվել է թվային առողջապահությանը միտված մեր բարեփոխումները. Հայաստանի ՏՏ և առողջապահական ոլորտների համակցված գործակցությունը մեր երկրին դարձնում է գրավիչ միջավայր՝ գլոբալ տեխնոլոգիական ընկերությունների համար:

Ատամնաբուժական ծառայություններ, պլաստիկ վիրաբուժություն, վերարտադրողական առողջություն, փոխպատվաստում և այլն. այն ծառայություններն են, որոնց համար Հայաստան են գալիս տարբեր երկրներից:

Ծառայությունների անընդմեջ ընդլայնումը, թվային գործիքակազմը, վերազինումը, JCI սերտիֆիկացման գործընթացը, վստահ եմ, բերելու է առողջապահությունը նոր մակարդակի և ստեղծելու է հարմար փաթեթ ու միջավայր զբոսաշրջիկի համար և, որ կարևորն է` խաղաղ ու կայուն երկրում:

https://forbes.swiss/…/armenia-a-new-era-for-forbes.pdf»,- նշված է գրառման մեջ: