Ֆինլանդիան դիտարկում է Ռուսաստանի հետ սահմանին ցանկապատի կառուցման հնարավորությունը՝ հայտարարել է արտաքին գործերի նախարար Պեկկա Հաավիստոն իսպանական El Mundo թերթի հետ հարցազրույցում։
«Այժմ սահմանին շատ հանգիստ է, ռազմական սպառնալիքներ չկան, քանի որ Ռուսաստանը իր զորքերի մեծ մասը կենտրոնացնում է Ուկրաինայում: Բայց կան նաև այլ սպառնալիքներ, օրինակ՝ այն, ինչ արեց Բելառուսը Լեհաստանի հետ։ Այս պարագայում, կարծես թե, սահմանային ցանկապատի կառուցումն օգնել է պաշտպանել տարածքը»,- նշել է ԱԳ նախարարը, հավելել՝ այդ հարցը քննարկվում է Ֆինլանդիայում սահմանային իշխանությունների հետ: