Օլիմպիական հերթափոխի պետական մարզական քոլեջի այս մարզադահլիճը հիրավի պատմական նշանակության է, քանզի այստեղ է կայացել որպես Գյումրի-Լենինականի բոլոր ժամանակների լավագույն բռնցքամարտիկ Հովհաննես Բաչկովը: Ներկայում կաշվե ձեռնոցի մեր անվանի վարպետը մարզվում է ԱՄՆ-ում ու նախապատրաստվում է նոյեմբերին իր հերթական մենամարտին պրոֆեսիոնալ ռինգում: Դե իսկ սաների հետ մարզումներ էր անցկացնում հանրապետության վաստակավոր մարզիչ Կարեն Ղազարյանը: