Քաղաքական խայտաբղետ պաստառներով ողողված են քաղաքի փողոցները, շենքերի պատերն ու բակերը, զարգացման ծրագրեր, որոնցից գլխապտույտ է առաջանում: Երթեր, հանդիպումներ քաղաքացիների հետ, ուղիղ եթերներ, քաղաքական երգեր, բանավեճի հրավերներ, հարցեր ու թեժ շեշտադրումներ: Արդեն վաղը՝ հոկտեմբերի 16-ին, ըստ օրենքով սահմանված կարգի, լռության օր է, խոստումներ չեն լինելու, քվեարկության համոզիչ ճառեր՝ եւս: Ընտրության օր է . հոկտեմբերի 17-ին գյումրեցին կընտրի թասիբի, ապագայի, կարողության, շարունակելու ու այլընտրանքի միջեւ: