Ոստիկանության Ստեփանավանի բաժնի քրեական հետախույզներն օպերատիվ տվյալներ էին ստացել, որ նոյեմբերի 12-ի գիշերը երկու անձ, որոնցից մեկը՝ դիմակավորված, փորձել էին տեխնիկական միջոցների գործադրմամբ բացել Ստեփանավան քաղաքի Սոս Սարգսյան և Սայաթ-Նովայի փողոցների խաչմերուկի կրպակի դուռը, սակայն չկարողանալով՝ դիմել էին փախուստի:
Իրացնելով օպերատիվ տեղեկությունը՝ քրեական հետախույզները պարզեցին վերոհիշյալ անձանց ինքնությունը: Նոյեմբերի 13-ին, ժամը 23.55-ին, Ստեփանավանի 20 և 14 տարեկան երկու բնակիչները քաղաքի Կենտրոնական զբոսայգում հայտնաբերվել և հրավիրվել են ոստիկանության Ստեփանավանի բաժին: Նրանք խոստովանել են, որ նախնական համաձայնությամբ՝ նոյեմբերի 12-ին, ժամը 22.30-ի սահմաններում, փորձել են բացել Սոս Սարգսյան և Սայաթ-Նովայի փողոցների խաչմերուկի կրպակի և տերմինալի դռներն ու գողություն անել, սակայն դիմել են փախուստի՝ տեխնիկական միջոցները թողնելով դեպքի վայրում:
Կազմված փաստաթղթերն ուղարկվել են Ստեփանավանի քննչական բաժին:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: