Փոխվարչապետ Մհեր Գրիգորյանը տեսակապի միջոցով մասնակցել է ԱՊՀ տնտեսական խորհրդի 87-րդ նիստին, որի ընթացքում մասնակիցները մտքեր են փոխանակել ԱՊՀ մասնակից երկրների տնտեսական համագործակցության արդիական հարցերի շուրջ:
Նիստի օրակարգում ի թիվս այլ հարցերի ընդգրկված էին խաղաղ նպատակներով ատոմային էներգետիկայի օգտագործման բնագավառում ԱՊՀ մասնակից պետությունների համագործակցության, ինչպես նաև ԱՊՀ մասնակից պետությունների հակաօդային պաշտպանության միասնական համակարգի ձևավորման և զարգացման ուղղությամբ հատկացումների հարցերը: