Փետրվարի 21-ը՝ Մայրենի լեզվի միջազգային օր

1999 թվականին ՅՈՒՆԵՍԿՕ-ն փետրվարի 21-ը հռչակել է Մայրենի լեզվի միջազգային օր, հիշեցնում է Ազգային գրադարանի Ֆեյսբուքի պաշտոնական էջը:
2000 թվականից այս օրը նշվում է որպես Մայրենի լեզուների իրավունքների ճանաչման ու գործածության աջակցման օր: Մայրենի լեզվի միջազգային օրը նպատակ ունի հավերժացնելու այն քաղաքական պայքարը, որ շուրջ 70 տարի առաջ մղվել է բենգալերենն առանձին լեզու ճանաչելու համար:
ՅՈՒՆԵՍԿՕ-ի գնահատմամբ՝ աշխարհում ամեն երկու շաբաթը մեկ 1 լեզու է անհետանում՝ իր հետ տանելով մի ամբողջ մշակութային ժառանգություն, իսկ աշխարհի գրեթե 6000 լեզուների կեսը մոտ ժամանակներս կարող են կորցնել իրենց կրողներին:
Հայաստանի ազգային գրադարանն իր ընթերցողներին հորդորում է պատասխանատվությամբ ու բծախնդրորեն վերաբերել հայերենին՝ որպես ազգային ինքնության ու մշակութային ժառանգության պահպանման ամենակարևոր գործոնի՝ մեջբերելով Համո Սահյանի՝ հայոց լեզվին նվիրված բանաստեղծության քառատողերից մեկը.
Մեր լեզուն արյունն է մեր,
Արյունից ավելի թանկ,
Մեր բուրմունքն ու գույնն է մեր,
Մեր լեզուն մենք ենք, որ կանք:

1999 թվականին ՅՈՒՆԵՍԿՕ-ն փետրվարի 21-ը հռչակել է Մայրենի լեզվի միջազգային օր: 2000 թվականից այս օրը նշվում է որպես…

Опубликовано Հայաստանի ազգային գրադարան Суббота, 20 февраля 2021 г.

Related posts

Հունիսի 7-ին՝ ժամը 21.00-ին, «Երևանի գինու օրերին» ներկա է եղել շուրջ 12 հազար 300 մարդ․ Նիկոլ Փաշինյան

Լոս Անջելեսում բողոքի ցույցեր են տեղի ունեցել ԱՄՆ ներգաղթի հարցերով ծառայության գործողությունների պատճառով

ՀՀ առաջին նախագահ Լևոն Տեր-Պետրոսյանն այցելել է Մայր Աթոռ Սուրբ Էջմիածին