Վերականգնման աշխատանքների արագությունը թույլ կտա Փարիզի Աստվածամոր տաճարի դռները բացել այս տարվա վերջին: Այս մասին հայտարարել է Փարիզի քաղաքապետ Անն Իդալգոն՝ տաճարում բռնկված հրդեհի հինգերորդ տարելիցին, գրում է ՏԱՍՍ-ը:
Հիշեցնենք, որ Փարիզի Աստվածամոր տաճարում հրդեհ էր բռնկվել 2019 թվականի ապրիլի 15-ի երեկոյան։ Հրդեհի հետևանքով փլուզվել էր տաճարի աշտարակն ու ոչնչացվել տանիքի 1/3-ը։
Ֆրանսիայի նախագահ Էմանուել Մակրոնը հայտարարել էր, որ տաճարը 5 տարում կվերականգնվի:
Տաճարի ամրացման և անվտանգության ապահովման աշխատանքներն ավարտվել էին 2021 թվականի աշնանը, իսկ վերականգնումը սկսվել էր 2022-ի ձմռանը։