Ցուցարարների կողմից նախագահական նստավայրը գրոհելու երեկվա փորձը «անպատիժ չի մնա»։
Այս մասին հայտարարել է Վրաստանի նախագահ Միխեիլ Կավելաշվիլին։
«Վրաստանում իշխանությունը կարող է փոխվել միայն ընտրությունների միջոցով», – հայտարարել է Վրաստանի նախագահը։
Նա նշել է, որ անկարգությունների մասնակիցներին ուղղորդել են օտարերկրյա հետախուզական գործակալությունները։
Միևնույն ժամանակ, Վրաստանի Ներքին գործերի նախարարությունը հայտարարել է բողոքի ակցիայի կազմակերպչական կոմիտեի բոլոր հինգ անդամների ձերբակալության մասին։
Ինչպես հայտնել ենք՝ Վրաստանի 5 խոշոր քաղաքում հաղթել են «Վրացական երազանք»-ի թեկնածուները, ձերբակալվել են ընդդիմության առաջնորդներ:
Վրաստանի վարչապետ Իրակլի Կոբախիձեի խոսքով՝ հոկտեմբերի 4-ին վրացական ընդդիմությունը փորձել է Թբիլիսիում «Մայդան» անցկացնել ՏԻՄ ընտրությունների օրը։