Հայաստանի ու Ադրբեջանի միջև տրանսպորտային հաղորդակցման ուղիների բացումը Հայաստանին հնարավորություն կտա Ռուսաստանի Դաշնությունից մինչև 5 մլրդ դոլարի ներդրումների ներհոսքի: Այս մասին հայտնել է ՌԴ փոխվարչապետ Ալեքսեյ Օվերչուկը:
«Մենք վստահ ենք, որ տարածաշրջանում տրանսպորտային կապերի ապաշրջափակումը` նախատեսված եռակողմ պայմանավորվածություններով, Հայաստանի համար տնտեսական զարգացման և ներդրումների ներհոսքի նոր հնարավորություններ կբացի: Մեր գնահատականներով` ՀՀ ու Ադրբեջանի միջև երկաթուղային ու տրանսպորտային ճանապարհների բացումը Հայաստան շուրջ 4.5 – 5 մլրդ դոլարի ռուսական ներդրումների ներհոսքի նախադրյալներ կստեղծի»,- ասել է նա:
Օվերչուկի խոսքով` ռուսական կողմը պատկերացնում է` ինչպիսի ծրագրեր կարող են լինել. դրանք վաղուց քննարկվում են գործարար ոլորտի հետ: