«Տոկիո-2020»-ի Օլիմպիական խաղերի բռնցքամարտի 63 կգ քաշային կարգի կիսաեզրափակչում Հայաստանի ներկայացուցիչ Հովհաննես Բաչկովը միավորներով պարտվեց ամերիկացի Քեյշոն Դևիսին և նվաճեց Օլիմպիական խաղերի բրոնզե մեդալ։
Քառորդ եզրափակչում Հովհաննես Բաչկովը մրցել էր Էլնուր Աբդուրաիմովի հետ, որը ներկայացնում է Ուզբեկստանը։ Մեր բռնցքամարտիկը առավելության էր հասել 5:0 հաշվով։ Բաչկովը մինչ 1/4 եզրափակիչ հասնելը հաղթել էր Անտիգուա և Բարբուդայի և Ադրբեջանի ներկայացուցիչներին: