Այսօր՝ մայիսի 26-ին, Դեբեդ գետի վարարման հետևանքով սաստիկ վարարումներ են դիտվել ոչ միայն Հայաստանում, այլև Վրաստանում:
Ադրբեջանի Ազգային հիդրոօդերևութաբանական ծառայության ղեկավար Նազիմ Մախմուդովը հայտարարել է՝ հաշվի առնելով, որ Վրաստանի տարածքում Դեբեդը թափվում է Խրամի գետը, որը Կուրի վտակն է, մայիսի 26-ից 28-ն ընկած ժամանակահատվածում Գիրագ Կեսմեն կետում դրա մակարդակի բարձրացման վտանգ կա, ինչը կարող է ջրհեղեղներ առաջացնել Ղազախի, Աղստաֆայի և Թովուզի շրջաններում։
Օդերևութաբանական ծառայության պետը կոչ է արել այս տարածքներում բնակվող բնակչությանը ցուցաբերել զգուշություն և անվտանգ հեռավորություն պահպանել ափից։