ՌԴ նախագահ Վլադիմիր Պուտինը ԱՊՀ երկրների ղեկավարներին ու քաղաքացիներին շնորհավորել է Հայրենական մեծ պատերազմում տարած հաղթանակի 76-ամյակի կապակցությամբ: Այս մասին տեղեկանում ենք Կրեմլի պաշտոնական կայքից:
Կրեմլի ղեկավարը շնորհավորական ուղերձ է հղել Հայաստանի, Ադրբեջանի, Բելառուսի, Ղազախստանի, Ղրղզստանի, Մոլդովայի, Տաջիկստանի, Թուրքմենստանի, Ուզբեկստանի, Աբխազիայի, Հարավային Օսիայի, Վրաստանի և Ուկրաինայի ղեկավարներին ու քաղաքացիներին:
ՌԴ նախագահ Վլադիմիր Պուտինն ընդգծել է, որ «այդ օրը հպարտության ու երախտագիտության հատուկ զգացումով ենք հարգում մեր հայրերի ու պապերի սխրանքը, որոնք կողք կողքի արիաբար մարտնչել են թշնամու դեմ և անձնվիրաբար աշխատել թիկունքում»: