Եվրամիությունը տեսնում է Ադրբեջանի և Հայաստանի միջև ուղիղ երկկողմանի փոխգործակցության հնարավորություն։
Այս մասին Մեծ Բրիտանիայում Եվրոպական քաղաքական համայնքի 4-րդ գագաթնաժողովի շրջանակում հայտարարել է Եվրոպական խորհրդի ղեկավար Շառլ Միշելը:
«Վերջին ամիսներին տեսել ենք Հայաստանի և Ադրբեջանի միջև ուղիղ երկկողմ շփումների հնարավորությունը: Գիտեք, ես փորձեցի անել հնարավորը ԵՄ-ի անունից՝ հեշտացնելու Ադրբեջանի և Հայաստանի միջև ուղիղ երկխոսությունը»,- ասել է նա։
Մեծ Բրիտանիայի Օքսֆորդ քաղաքի Բլենհայմ պալատում մեկնարկել է Եվրոպական քաղաքական համայնքի (EPC) 4-րդ գագաթնաժողովը։ Մոտ 47 պետությունների և կառավարությունների ղեկավարներ հրավիրված են մասնակցելու այդ հանդիպմանը:
ՀՀ վարչապետ Նիկոլ Փաշինյանը ևս Միացյալ Թագավորությունում՝ Բլենհայմյան պալատում, մասնակցել է Եվրոպական քաղաքական համայնքի 4-րդ գագաթնաժողովին: