Կարևորելով շրջակա միջավայրի պահպանությունը՝ Երևան քաղաքի Էրեբունու վարչական շրջանի և Սևան քաղաքի ոստիկանության վետերանների խորհուրդների անդամները հոկտեմբերի 4-ին Սևանա լճի ափամերձ հատվածում՝ Ճամբարակ վարչական տարածքում, մաքրման աշխատանքներ են կատարել:
Վետերանների նախաձեռնությանը մասնակցել են նաև Արտանիշ գյուղի միջնակարգ դպրոցի աշակերտները։
Վետերանների խորհուրդը 55-ամյակի շրջանակում մի շարք միջոցառումներ է կազմակերպել:
Նմանօրինակ միջոցառումները շարունակական են լինելու, որոնք նաև շրջակա միջավայրը մաքուր պահելու խորհուրդ ունեն։