Սուրբ Սարգսի տոնը Հայ Առաքելական Սուրբ եկեղեցին այս տարի կնշի փետրվարի 4-ին: Եկեղեցին սրբացնում է Ս. Սարգսին` համարելով նրան սիրո երազանքների իրականացնող: Պատմությունը վկայում է, որ Սուրբ Սարգիսն ապրել է 4-րդ դարում ու հռոմեական բանակի զորավար է եղել: Քրիստոսի հանդեպ ունեցած հավատքի ու քրիստոնեությունը քարոզելու համար հալածանքների է ենթարկվել Հռոմեական կայսրությունում, այնուհետեւ Պարսկաստանում: