Շիրակի մարզպետարանի մուտքերն ու ելքերը փակված են, այն էլ՝ ներսից: Շիրակի մարզի գերեվարվածների ծնողներն են փակողները: Աշխատակազմը մարզպետի գլխավորությամբ կմնա ներսում այնքան, մինչեւ պատասխան չստանան որդիներից, համբերության բաժակները լցվել են. նշում են ծնողները: Գերիների ծնողները կշարունակեն ակցիան մինչեւ բավարար պատասխան չստանան, եթե ոչ՝ հստակ ժամանակահատված, որդիների վերադարձի հետ կապված գոնե ինչ-որ փոփոխություն, որը կցրի հավաքված անորոշության ամպերը: