Մերձավոր Արևելքի ճգնաժամի և դրա հետ կապված եվրոպական հասարակության բևեռացման պատճառով սուրբծննդյան և ամանորյա տոներին Եվրամիությունում (ԵՄ) ահաբեկչական հարձակումների վտանգը կմեծանա։ Այս մասին հայտարարել է Եվրահանձնաժողովի ներքին գործերի հանձնակատար Իլվա Յոհանսոնը, փոխանցում է ՌԻԱ «Նովոստի»-ն։
«Իսրայելի և ՀԱՄԱՍ-ի միջև պատերազմը և այն բևեռացումը, որն այն ստեղծեց մեր հասարակության մեջ, գալիք տոնական սեզոնի ընթացքում ահաբեկչական հարձակումների բարձր ռիսկ է ստեղծել ԵՄ-ում», – նախազգուշացրել է նա:
Յոհանսոնը պարզաբանել է, որ մերձավորարևելյան հիմնախնդիրը և դրա շուրջ ծագող ահաբեկչական սպառնալիքները կլինեն ԵՄ ներքին գործերի նախարարների խորհրդի քննարկման թեմաներից մեկը։