Մարմաշեն խոշորացված համայնքի տարբեր բնակավայրերում այս տարի սուբվենցիոն ծրագրերի շրջանակներում ավարտին են հասցվել շուրջ 8 տարբեր շինարարական աշխատանքներ. նշում է Շիրակի մարզպետարանի զարգացման ծրագրերի, զբոսաշրջության եւ վերլուծությունների բաժնի պետ Կարեն Բադիշյանը: Համեմատելով 2019 եւ 2020 թվականները՝ պատասխանատուն նշում է՝ 2020-ին սուբվենցիոն ծրագրերի ընդհանուր գումարի, ինչպես նաեւ կատարված աշխատանքների թիվը գերազանցում է 2019 թվականի եղած ցուցանիշը: Օրինակ, միայն մանկապարտեզների մասով ցուցանիշը 6, իսկ փողոցաշինության մասով 2 անգամ մեծացել է Շիրակի մարզում: