Գյումրու «Հոկտեմբեր» կինոթատրոնում ֆիլմի պրեմիերա է. «Սողոմոնի երգերը» Գյումրիում է առաջին անգամ: Ֆիլմ՝ մի ողջ ազգի ճակատագրի մասին եւ պատմական մի ժամանակահատվածի, որ պատմության մեջ դաջվեց որպես Համիդյան ջարդեր: Կոմիտասի երաժշտության լեզուն ու կենսագրությունը մի ամբողջ պատմություն է: Հոգեւոր ժառանգություն, որի շուրջը ասես հայության ճակատագիրն է պտտվում՝ իր ողբերգություններով ու կորուստներով: Այս ամենով է ուղեկցվում «Սողոմոնի երգերը»: Ֆիլմի գաղափարը Սիրվարդ Քավուքչյանինն է, ռեժիսորը Արման Նշանյանն է: