Բելգրադն ակնկալում է, որ 2024 թ. կսկսի ադրբեջանական գազ ներկրել՝ հայտարարել է Սերբիայի հանքարդյունաբերության և էներգետիկայի նախարար Դուբրավկա Ջեդովիչը։

«Սերբիան ավելի ուշ է սկսել ակտիվ մասնակցել Հարավային գազային միջանցք նախագծին, բայց մենք արագ աշխատում ենք այդ երթուղու մաս դառնալու ուղղությամբ։ Դա մեզ թույլ կտա դիվերսիֆիկացնել գազի մատակարարման մեր աղբյուրները և ապահովել դրանց անվտանգությունը»,- ասել է Ջեդովիչը Բաքվում Հարավային գազային միջանցքի խորհրդատվական խորհրդի շրջանակում կայացած նախարարական նիստում:

Պաշտոնյայի խոսքով՝ 2023 թ. աշնանը կավարտվի Բուլղարիա-Սերբիա գազային փոխկապակցման շինարարությունը։ Նա նշել է, որ Ադրբեջանից գազի առաջին մատակարարումներն ակնկալվում են 2024 թ. սկզբին:

Սերբիան Ադրբեջանի մատակարարումների հաշվին նախատեսում է ծածկել գազի պահանջարկի մինչև 40 տոկոսը: