«Դինամո» մարզական կազմակերպության սեղանի թենիսի խումբն ընդամենը 3 տարվա պատմություն ունի, սակայն արդեն կան որոշակի ձեռքբերումներ: Ընթացիկ մրցաշրջանում իրեն լավագույն կողմերով է դրսեւորել դպրոցահասակ Հասմիկ Ղազարյանը: Նա հասցրել է արդեն մրցանակակիր դառնալ պաշտոնական ստուգատեսում: Հայաստանի աղջիկների առաջնությունում Հասմիկը ստացել է բրոնզե մեդալ, թեեւ ինքն էլ խոստովանում է, որ իր հնարավորությունների ողջ ներուժը չի կիրառել: