Հայաստանի ծանրամարտի ֆեդերացիայի նախագահ Արայիկ Հարությունյանը ֆեյսբուքյան գրառմամբ անդրադարձել է իր՝ Ծանրամարտի միջազգային ֆեդերացիայի՝ IWF-ի նախագահ Մուհամմադ Ջալուդի խորհրդականի պաշտոնին նշանակվելուն:
«Սա, առաջին հերթին, գնահատական է Հայաստանի ծանրամարտի, բայց նաև վերջին տարիներին սպորտում և ծանրամարտում ՀՀ կառավարության քաղաքականության և ներդրումների: Սա մեծ գնահատական է մեր աշխատանքի, որը ծառայելու է բացառապես Հայաստանի ծանրամարտի և սպորտի համար: Ի գործ»,- գրել է նա։