Անցած շաբաթների ընթացքում սակրավորները Ստեփանակերտի և նրա շրջակայքի տարածքի կեսից ավելին մաքրել են պայթյունավտանգ առարկաներից, հույս ունեն ավարտել աշխատանքը մինչև այս տարվա վերջ, РИА Новости-ին հայտնել է ԼՂՀ մարդասիրական ականազերծման կենտրոնի տնօրեն Սամվել Մեսրոպյանը:
«Ստեփանակերտ քաղաքի կեսից ավելին մաքրվել է: Հեկտարներով հստակ ասել չեմ կարող, բայց կեսից ավելին մաքրվել է: Հիմա մենք աշխատում ենք քաղաքի մատույցներում», – ասել է Մեսրոպյանը:
Ըստ նրա՝ այսօր Ստեփանակերտի կենտրոնական հատվածը լիովին զերծ է զինամթերքից, որոնք այստեղ են հասել Լեռնային Ղարաբաղի Հանրապետությունում վերջերս տեղի ունեցած զինված բախումների ընթացքում:
«Հուսանք, որ մինչև տարեվերջ հնարավոր կլինի մաքրել ամբողջությամբ: Մենք պետք է ավարտենք Ստեփանակերտում, այնուհետև տեղափոխվենք Մարտունու շրջան, այնուհետև՝ Մարտակերտի շրջան», – ասել է նա: