Ռուս խաղաղապահները մարդասիրական օգնություն են հասցրել Մարտակերտ քաղաք

Լեռնային Ղարաբաղում Ռուսաստանի խաղաղապահ զորախմբի զինծառայողները Մարտակերտ քաղաք են հասցրել սննդի և առաջին անհրաժեշտության իրերի հումանիտար հավաքածուներ:

Սննդամթերքն ու առաջին անհրաժեշտության իրերը փոխանցվել են փախստականներին, որոնք վերադարձել են իրենց տները, և բնակավայրի այլ կարիքավոր բնակիչներին:

Մի քանի հարյուր ընտանիքներ ստացել են մարդասիրական փաթեթներ, որոնք պարունակում են սնունդ և առաջին անհրաժեշտության իրեր:

Ռուս խաղաղապահների օգնությամբ ռազմական գործողություններից տուժած Լեռնային Ղարաբաղի տարածքներում վերականգնվում են կարևոր ենթակառուցվածքային օբյեկտներ:

Շուշիի արևմտյան մատույցներում էլեկտրահաղորդման գծերը վերականգնելու համար ավարտվել են վերանորոգման աշխատանքները:

Ապահովվել է էլեկտրաէներգիայի շարունակական մատակարարումը 24 բնակավայրերում, որոնցում ապրում է ավելի քան 10 հազար մարդ:

Ռուսաստանի պաշտպանության նախարարության Ստեփանակերտի և Մարտակերտի բժշկական ստորաբաժանումների մասնագետները շարունակում են բժշկական օգնություն ցուցաբերել բնակչությանը:

Հիմնականում ռուս ռազմական բժիշկներին դիմում են քրոնիկ հիվանդություններով տառապող տեղի բնակիչները, որոնք հակամարտության սրման ընթացքում զրկվել են որակյալ բժշկական օգնություն և անհրաժեշտ դեղեր ստանալու հնարավորությունից:

Ընդհանուր առմամբ, ռուս ռազմական բժիշկները բժշկական օգնություն են տրամադրել 529 քաղաքացու, այդ թվում՝ 63 երեխայի:

Related posts

Հաճախակի են դառնում դեպքերը, երբ օձերին վնասում են՝ լրջորեն վտանգելով և՛ իրենց, և՛ կենդանիների կյանքը․ ՇՄՆ զգուշացումը

Հրդեհ Առնո Բաբաջանյան փողոցի նորակառույց չբնակեցված շենքերից մեկում

Արման Խաչատրյանը համատեղության կարգով նշանակվել է Մոնակոյում ՀՀ դեսպան