Ռուսաստանի և Ֆրանսիայի ԱԳ նախարարները քննարկել են Արցախում ստեղծված իրավիճակը

Ռուսաստանի և Ֆրանսիայի ԱԳ նախարարներ Սերգեյ Լավրովն ու Ժան-Իվ Լը Դրիանը Նյու Յորքում ՄԱԿ-ի Գլխավոր ասամբլեայի 76-րդ նստաշրջանի շրջանակում տեղի ունեցած հանդիպմանը քննարկել են նաև Լեռնային Ղարաբաղում ստեղծված իրավիճակը, հայտնում է Ռուսաստանի արտաքին քաղաքական գերատեսչության մամուլի ծառայությունը:

Սերգեյ Լավրովն ու Ժան-Իվ Լը Դրիանը պատրաստակամություն են հայտնել շարունակել աշխատանքը Լեռնային Ղարաբաղի իրադրության կայունացման ուղղությամբ, նախևառաջ ԵԱՀԿ Մինսկի խմբի ձևաչափում:

Արտաքին քաղաքական գերատեսչությունների ղեկավարները քննարկել են նաև միջազգային օրակարգի այլ արդիական թեմաներ։ Մանրամասն անդրադարձ է կատարվել Աֆղանստանում իրավիճակի զարգացմանը։ Երկու կողմն էլ պատրաստակամություն են հայտնել աջակցել այդ երկրում, նաև ՄԱԿ-ի ԱԽ-ի շրջանակներում խաղաղության և կայունության հաստատմանը։

Related posts

Հրդեհ Սեբաստիայի փողոցում․ փրկարարները տարհանել են 10 քաղաքացու

Նիկոլ Փաշինյանը ներկա է եղել «ՀՀ վարչապետի գավաթ» դպրոցականների թիմային խճուղավազքի մրցաշարի եզրափակիչ փուլին

Օդի ջերմաստիճանը հունիսի 29-30-ը կնվազի 2-5 աստիճանով