Ռուսաստանի կողմից միջուկային զենք կիրառելու նշաններ չեմ տեսնում. Լլոյդ Օսթին

ԱՄՆ պաշտպանության նախարար Լլոյդ Օսթինը կարծում է, որ միջուկային զսպման ոլորտում ռուսական դոկտրինի թարմացումը չի նշանակում, որ Մոսկվան պատրաստ է միջուկային զենք կիրառել։

«Այս պահին ես որևէ նշան չեմ տեսնում, որ կա միջուկային զենք օգտագործելու անմիջական մտադրություն»,- ասել է Օսթինը՝ NBC-ի հետ հարցազրույցում։ Պենտագոնի ղեկավարը հավելել է, որ չի տեսնում «փոփոխություններ Ռուսաստանի ռազմավարական ուժերի դասավորվածության մեջ»:

Նրա խոսքով՝ Միացյալ Նահանգները «մի քանի շաբաթ է, ինչ տեղյակ է, որ Ռուսաստանը վերանայում է միջուկային զենքի կիրառման վերաբերյալ իր քաղաքականությունը և Պենտագոնը կշարունակի պահպանել զգոնությունն այդ հարցում»։

Նոյեմբերի 19-ին ՌԴ նախագահ Վլադիմիր Պուտինը հաստատել է միջուկային զսպման ոլորտում ռուսական պետական ​​քաղաքականության հիմունքները։

Related posts

25 մ երկարությամբ և մոտ 3 մ լայնությամբ հողաշերտի փլվածք՝ Վանաձոր-Ալավերդի ավտոճանապարհին

2 դանակահարված տեղափոխվել են հիվանդանոց.Շամշյան

Չինաստանի հարավում ջրհեղեղի հետևանքով 4 մարդ է զոհվել, 17-ը՝ անհետ կորել. Reuters